Revmatoidli artritda golimumab bilan olib borilgan kompleks terapiyaning bo‘g‘im destruksiyasiga ta’sirini o‘rganish

Abstract

Maqsad: revmatoid artrit bilan kasallangan bemorlarda golimumab bilan olib borilgan kompleks terapiyaning bo‘g‘im destruksiyasiga ta’sirini o‘rganish. Material va usullar: hozirgi kun zamonaviy tibbiyotida RA ni davolashda shu kungacha ma’lum bo‘lgan bazis yallig‘lanishga qarshi preparatlar bilan bir qatorda, yangi gen injeneriyasi usullari bilan ishlab chiqilgan dori vositalarining ham ahamiyati sezilarli darajada oshib bormoqda. Natijalar: bunday preparatlar ustida olib borilgan tadqiqotlar shuni ko‘rsatadiki, ularning kasallik faolligiga ta’siri yuqori va shuning bilan bir qatorda, inson organizmiga salbiy ta’siri kamroq. Shunday dori vositalaridan biri golimumab bo‘lib, maqolada RAli bemorlarda golimumab bilan olib borilgan kompleks davoning bo‘g‘im destruksiyasiga ta’siri o‘rganiladi. Xulosa: izlanishlar natijasi shuni ko’rsatadiki, kasallik erta aniqlab, zamonaviy davo choralarini erta olib borish kasallikni uzoq vaqtli remissiyaga olib kelishi mumkin.