Саноат чиқиндилари асосида оқава сувлари тозалаш учун ионитларни олиш

Abstract

Ионалмашинувчи ва комплекс ҳосил қилувчи функционал полимерлар олиш,уларни синтез жараёнларини фундаментал томонларини тадқиқ қилиш ҳамда ривожлантириш ҳозирги замон физикавий ва юқоримолекуляр бирикмалар кимёсининг долзарб муаммоларидан бири ҳисобланади [1]. Ионит ва поликомплексонлар хоссаларининг ҳосил бўлишининг физик-кимёвий хусусиятларини ўрганиш ушбу муаммони ечишда асосий восита ҳисобланади ҳамда синтез жараёнларини бошқариш орқали керакли таркиб ва комплекс хоссага эга бўлган ионалмашувчи полимер материаллар олиш имкониятларини яратади. Комплекс хоссали сорбентлар учун, айниқса, селективлик хоссаси аҳамиятли. Селективликни оширишнинг асосий йўли эса ионалмашув материалларни ташкил қилувчи полимер молекулалари таркибига ютилаётган маҳсулотга нисбатан мойиллиги юқори бўлган, функционал гуруҳларни махсус кетма-кетликда жойлаштириш ҳисобланади.