Сурункали буйрак етишмовчилиги ва уремик синдром билан оғриган беморларда эфферент терапия

Abstract

Буйраклар фаолиятини турғун пасайиши ва азот алмашинувини бузилиши билан юзага келадиган касалликлар сонини, шунингдек, уларни замонавий соғлиқни сақлашнинг аҳамиятли муаммоси сифатида тан олинган. Энг оғир асорат-уремик синдромнинг «... юқори сони нохуш башорат учун асосий сабаб бўлиб ҳисобланади ва сурункали буйрак етишмовчилигида (СБЕ) ўлим билан якунланишнинг етакчи сабаблари қаторига киради...»1. EUTox миссиясининг маълумотларига кўра «...буйракларнинг сурункали касалликларини даволаш учун молиявий ҳаражатлар йилига 500 млрд. еврони ташкил этади...»2. Мазкур шароитларда буйрак ҳужайраларининг компенсацияланувчи функционал заҳирасида даволашнинг оптимал тактикасини танлаш ва олдини олиш биринчи даражали вазифа бўлиб қолмоқда. Ушбу йўналишдаги сезиларли қадам бўлиб, энтеросорбциондетоксикация-токсикантларни, молекуляр усти тузилмалари ва ҳужайраларни ноинвазив киритиш усулини ишлаб чиқиш ва жорий этиш бўлиб ҳисобланади. Энтеросорбция (ЭС) организмдан экзо- ва эндоген табиатли потенциал ҳавфли моддаларни, алмашинувнинг оралиқ ва якуний маҳсулотларини меъда ичак тизимида ютилиш ёки нейтрализация қилиш орқали энорал йўл билан чиқаришга асослангандир.