“BACHADON BOʻYINCHASI SARATONI IIA-IIB BOSQICHINI DAVOLASHNING QIYOSIY TAHLILI”

Abstract

Hozirgi kunda bachadon boʻyinchasi saratoni (BBS) ayollar orasida uchraydigan asosiy saraton turlaridan biri hisoblanadi. Oxirgi yillarda skrining va profilaktik usullarning keng tatbiq etilgani hisobiga kasallik holatlarining kamayishi yoki ularning erta bosqichlarda aniqlanishi uchramoqda. Bachadon boʻyinchasi saratoni bachadonning pastki qismi hisoblangan boʻyinchadan rivojlanadi. Kasallik prognozi kasallikning qaysi bosqichda aniqlanishi va mavjud yondosh kasalliklarga bogʻliq boʻladi. BBS IIA bosqichida asosan radikal gisterektomiya, kimyoterapiya va nur terapiya kabi davolash usullari qoʻllaniladi. IIB bosqichida esa davolash maqsadida kimyo-nur terapiyasi (CCRT) va radikal gisterektomiya qoʻllaniladi. Neoadyuvant kimyoterapiya (NAKT) oʻsma hujayralarini gipoksik va nekrotik holga keltiradi va oʻsma oʻlchamini sezilarli darajada kichraytiradi. BBSni davolashda zamonaviy usullar sifatida immunoterapiya, target terapiya, kombinirlangan terapiya, genetik yondashuvlar qoʻllaniladi.