Nafas tizimi

Abstract

Nafas sistemasi burun bo'shlig'i, xalqum, hiqildoq. traxeya, bronxlar va o'pkadan iborat. Nafas sistemasida havo o'tkazuvchi yo'llar (burun bo'shligi, xalqum, hiqildoq, traxeya, bronxlar) va nafas qismi tafovut qilinadi, nafas qismi o'pkaning nafasda ishtirok etuvchi parenximasidan iborat bo'lib, o'pka alveolalaridagi havo bilan qon o'rtasida gazlar almashinuvi shu erda yuzaga chiqadi. Nafas yo'llari tuzilishining xususiyatlari shuki, devorlarida tog'aydan iborat asos va hilpillovchi epiteliy bor, tog'ayi bo'lganligidan nafas nayining devorlari puchaymay turadi, shillik pardani qoplab turadigan hilpillovchi epiteliyning kiprikchalari esa nafasga olinadigan havo harakati tomoniga karab tebranib, nafas yo'llarini ifloslantirgan zarrachalarni shilimshik bilan birgalikda tashqariga haydab chiqaradi