Abstract:
Замонавий дунёда хавфсиз қон компонентларига эришиш учун кенг жамоатчиликда идеал ишонч бўлиши лозим. Дарҳақиқат, инфекцион агентнинг қон оқимига тушиш хавфи турғун эмас ва янги патогенлар пайдо бўлиши ёки эскилар эпидемиологик кўринишини ўзгартириши билан ривожланиши мумкин. Шунга қарамай, бутун дунё бўйлаб тобора ортиб бораётган талабларга жавоб берадиган хавфсиз ва арзон қон таъминотининг мақсади трансфузион занжирдаги ҳар бир босқични энг қулай йул билан бир-бирига мувофиқлаштириш, шу жумладан донор танлаш мезонларини диққат билан кўриб чиқиш, қон топшириш, унга ишлов бериш ва уни сақлаш қоидаларига қатъий риоя қилиш, мавжуд скрининг тестларни оптимал бажариш, патогенни активсизлантиришни мос усулини қўллаш ва ниҳоят ҳар бир қон қуйиш зарурлигини баҳолайдиган шифокорларнинг эҳтиёткорона ҳушёрлигидир. Демак халқаро тармоққа уланган миллий қон назорати тизимлари қон маҳсулотлари сифати ва хавфсизлигининг ажралмас таркибий қисмига айланиб бормоқда. Қон қуйиш орқали даволашда хавфли қон маҳсулотларини аниқлаш ва инактивация қилишнинг сезгир ва арзон ёндашувларини ишлаб чиқиш ва амалга ошириш каби чора-тадбирлар ҳозирги кунгача хавф юқори ҳисобланган жойларда ҳам хавфсиз шаклга айлантириши мумкин.
