HCV ETIOLOGIYALI JIGAR SIRROZIDA ANTIVIRUS TERAPIYA FONIDA GEMOSTAZ KOʻRSATKICHLARINING LABORATOR DIAGNOSTIKASI

Abstract

JSSTning ma’lumotlariga koʻra, dunyoda taxminan 325 mln. odam parenteral gepatit viruslari bilan zararlangan boʻlib, 500 mln. dan koʻp odamlar klinikasiz virus tashuvchanlikka ega. 2015 yilda virusli gepatit tufayli 1,34mln oʻlim holati kuzatilgan. Gemostaz tizimi fiziologiyasi jigar faoliyati bilan bevosita bogʻliq, chunki gepatotsitlar koʻplab koagulyatsion omillar, antikoagulyant oqsillar, fibrinoliz tizimi komponentlari va trombopoezni stimullovchi omillarni ishlab chiqaradi. Surunkali diffuz jigar kasalliklari bilan kasallangan bemorlarda qiziloʻngach varikoz kengaygan venalaridan qon ketishi, gematomalar, gemorragik purpura, burun va milkdan qon ketishi, menorragiyalar kabi asoratlar kuzatilishi hozirgacha dolzarb klinik muammo boʻlib qolmoqda. Maqsad: HCV etiologiyali jigar sirrozida antivirus terapiya fonida gemostaz koʻrsatkichlarining laborator diagnostikasini baholash. Ma’lumotlar 2020-2023 yillarda Toshkent tibbiyot akademiyasi 1-klinikasi gematologiya va gepatobiliar patologiyasi boʻlimlarida HCV etiologiyali jigar sirrozi bilan davolangan bemorlardan olindi.