Tўғри ичак ампуляр қисми аденокарциномасининг патогистологик хусусиятлари

Abstract

Ушбу ишда тўри ичак ампула қисмининг яхши дифференциаллашган аденокарциномасининг морфологик хусусиятларини ўрганилган. Материал сифатида 2010-2021 йиллар давомида ЎзР ССВ РИО ва РИАТМнинг онкопроктология бўлимида даволанишда бўлган, жами 132 та тўғри ичак саратони билан касалланганлардан 19 таси (14,4%) яхши дифференциаллашган аденокарцинома таҳлил қилинди. Натижалар шуни кўрсатдики, тўғри ичакнинг яхши даражада дифференциаллашган аденокарциномаси клиник маълумотлар бўйича таҳлил қилинганда энг секин ўсувчи, кўпинча оқибати яхшилик билан тугайдиган, ҳужайралари тузилиши бўйича меёрий без эпителийси ҳужайралари тузилишига яқин хавфли ўсмалиги аниқланади. Тўғри ичак юқори даражада дифференциаллашган безли саратон морфологик жиҳатдан меёрга ўхшаш без тузилмалари кўринишидаги гиперхромли, полиморф рак ҳужайралари тўпламларидан, стромаси зич лимфоид инфильтрацияли шаклланган бириктирувчи тўқимадан иборат, инвазияланиш хусусияти I-даражали, патоморфози II-даражали оғирликга эга ва жарроҳлик амалиётидан кейинги оқибати яхши ҳисобланади.