Ёрдамчи репродуктив технологиялар

Abstract

Сўнгги йилларда ёрдамчи репродуктив технологиялар (ЁРТ) клиник амалиётда мустаҳкам кириб келмоқда. Ёрдамчи репродуктив технологиялар ижтимоий муаммо бўлган бепуштликни даволашда юқори самарадорликка эга. Ёрдамчи репродуктив технологиялар бўйича билимларни ўзлаштириш, бепуштлик этиологияси, ташхислаш ва даволашда ҳамда ЁРТ усулларини табақалаштирилган қўллаш бўйича билимларни чуқурлаштиради ҳамда тизимлаштиради. Ўқув қўлланманинг мақсади тингловчиларга бепуштликнинг турли кўринишларида ёрдамчи репродуктив технологиялар турларини қўллаш, ЁРТга кўрсатмалар, қарши кўрсатмаларни аниқлаш, даволаш учун беморларни танлаш ва ЁРТни қўллаганда кузатилиши мумкин бўлган асоратлар диагностикасини ўргатишдан иборат. Ўқув қўлланмасига киритилган билимларни назорат қилиш шакллари амалий кўникмаларни шакллантириш учун асос бўлиб хизмат қилади. Ўқув қўлланмаси 14.00.01 «Акушерлик ва гинекология» мутахасслигига оид дастур асосида тайёрланган. Ўқув қўлланмасида бепуштликнинг турли шаклларини даволашда клиник амалиётда самарали бўлган замонавий ёрдамчи репродуктив технологиялар муҳокама қилинади. Ўқув қўлланмаси ёрдамчи репродуктив технологиялар бўйича малака оширишга келган тингловчи акушер-гинеколог шифокорлар учун мўлжалланган.