Қутуриш касаллигининг эпизоотологик ва эпидемиологик жиҳатлари ҳамда профилактик чора-тадбирларининг самарадорлигини баҳолаш

Abstract

Диссертация мавзусининг долзарблиги ва зарурати. Дунёнинг кўплаб давлатлари соғлиқни сақлаш тизимида қутуриш касаллиги жиддий ижтимоий-иқтисодий муаммолардан биридир. Жаҳон соғлиқни сақлаш ташкилотининг маълумотларига кўра «…бугунги кунда дунёнинг 85 мамлакатида 3 млрд. одамларнинг қутуриш билан касалланиш хавфи бор. Ҳар йили жаҳонда 50000-55000 нафар одамлар ва 1 млн дан зиёд ҳайвонлар қутуриш касаллигидан нобуд бўлмоқда, 15 млн нафар одамлар эса турли ҳайвонлар тишлаши оқибатида даволанади...»1. ЖССТ маълумотларига кўра «…2016 йилда иммунизация бўйича ЖССТ экспертларининг (СКГЭ) маслаҳат гуруҳи антирабик вакциналар ва иммуноглобулинлар бўйича ишчи гуруҳи томонидан қутуришга қарши эмлаш тизимида янгича ёндошув белгиланди...»2. Юқорида кўрсатилган ҳолатларга қараб қутуришни эрта профилактик даволаш чоратадбирларини такомиллаштириш бугунги кунда соҳа ходимлари олдида турган ҳал қилиниши лозим бўлган долзарб муаммолардан биридир.