Suyak ankilozida tos-chanoq bo‘g‘imini endoprotezlash usuli

Abstract

Foydalanish sohasi: tibbiyotda, travmatologiya va ortopediyada qo‘llanadi. Vazifasi: operatsiyaning shikastlantiruvchanligini kamaytirish, jarrohlik aralashuvlarini soddalashtirish, ko‘st chanog‘i nuqsonlarini jarrohlik bilan davolash samaradorligini oshirish, patsiyentlarni ertaroq faollashtirish va reabilitatsiya qilish. Foydali model mohiyati: suyak ankilozida tos-chanoq bo‘g‘imini (TCHB) endoprotezlash usuli taklif qilingan bo‘lib, u rentgenologik tadqiqot va multispiral kompyuter tomografiyasi yordamida TCHB parametrlarini dastlabki o‘lchashni, son suyagi bo‘ynining rezeksiya sathini aniqlashni, o‘lchashlar natijasida olingan TCHB parametrlariga muvofiq endoprotez (EP) komponentlari o‘lchamlarini aniqlashni ichiga oladi. Jarrohlik operatsiyasida TCHBning tashqi yuzasi bo‘ylab 8-10 sm uzunlikda Xarding bo‘ylama qirqishi bajariladi, qirqish kata ko‘st cho‘qqisidan 2-4 sm yuqorida, katta ko‘stning o‘rta chizig‘i ustida boshlanadi va uning asosidan 2-4 sm pastda yakunlanadi. TCHB yalang‘ochlanadi, katta ko‘stga birikish joyida dumba o‘rta mushagining pay qismi kesiladi, TCHB kapsulasi ochiladi. So‘ngra son suyagi bo‘yinining ponasimon osteotomiyasi o‘tkaziladi va hosil qilingan suyak fragmenti olib tashlanadi. Hosil bo‘lgan bo‘shliqqa son suyagining proksimal qismi chiqariladi, son suyagi bo‘ynining qoldiqlari Adams chizig‘i (katta ko‘stdan kichik ko‘stga bo‘lgan chiziq) bo‘yicha rezeksiya qilinadi, EP ko‘st komponentini o‘rnatish uchun joy shakllantiriladi. Keyin son suyagi komponenti, EP vkladishi va boshchasi o‘rnatiladi. Formulaning 1 ta m.b.