Беморларнинг асосий давога тарафдорлик даражасини хавотир-депрессив ҳолатларнинг яққоллик предикторларига боғлиқликда ўрганиш

Abstract

Юрак-қон томир касалликлари (ЮҚТК) жамиятнинг энг кўп касалланиш ва ўлим сабабларидан бири бўлиб, тиббий ҳамда ижтимоий-иқтисодий жиҳатдан муҳим муаммо ҳисобланади. Жаҳон соғлиқни сақлаш ташқилоти (ЖССТ) маълумотларига кўра, «...ЮҚТК ва уларнинг асоратлари катта ёшдаги аҳоли орасида кенг тарқалган бўлиб, дунёнинг иқтисодий ривожланган кўпгина мамлакатларида барвақт ўлим ва эрта ногиронликнинг асосий сабабидир. ЮҚТК ўлимнинг 75% дан ортиғи паст ва ўртача даромадли мамлакатларда рўй беради. Дунё миқёсидаги статистик тадқиқотлар натижаларига кўра, ҳар йили ЮҚТК оқибатидаги 17,9 миллион ўлимдан 7 миллионга яқини юрак ишемик касаллиги (ЮИК) туфайли содир бўладиши»1 қайд этилган. Экспертлар томонидан кардиоваскуляр хавф омилларини бартараф этиш ва ЮҚТК чалинган беморларга тиббий ёрдам кўрсатиш тизимини яхшилаш орқали дунёда асосий ЮҚТК сабабли барвақт ўлим кўрсаткичини қарийб 30% ни олдини олиш ёки кечиктириш мумкинлиги таъкидланмоқда.