Сурункали буйрак касаллиги билан оғриган беморларда гипоазатемик дори воситаларни қўллаш билан даволашни муқобиллаштириш

Abstract

Дунёда тиббиёт сохаси кун сайин замонавий ташхислаш ва даволаш тартиби билан бойитилишига қарамасдан сурункали буйрак касаллиги (СБК) нинг кечиш ҳусусиятлари ва даволаш бўйича муаммолар ўз ечимини етарлича топмаган. Бу касалликнинг кўп омиллилик ҳусусиятга эгалиги билан боғлиқ, яъни оқсил, сув-электролит, минераллар алмашинуви, кислота-ишқор мувозанати бузилишлари, қон таркибининг сифат ва миқдорий жиҳатдан оғир ўзгаришлари каби кўпгина патогенетик бўғинларнинг қўпол, шунингдек қайтмас бузилишидадир1. Мазкур кўп омилларни чуқурлаштирадиган, ёмонлаштирадиган, жадаллаштирадиган ва оқибат ўлимга олиб келадиган энг асосий мезон бу – уремик интоксикациядир2. Шунингдек, СБК замонавий соғлиқни сақлаш тизимининг асосий бир тиббий-ижтимоий муаммоларидан бўлиб келмоқда. Сабаби унинг кенг тарқалиб бораётгани ва жадал равишда авж олиб бориши пировардида терминал буйрак етишмовчилигига олиб келиши нисбатан қимматбаҳо буйрак ўринбосар терапияга эҳтиёжни тақозо этмоқда3. СБКнинг айни вақтда дунё миқёсида тарқалиши ўртача 10 дан 20%гача ташкил этмоқда.