Лаборатория иши: ўқув қўлланма

Abstract

Лаборатория иши клиник лаборатор диагностиканинг узвий ажралмас қисми бўлиб, клиник ташхис қўйиш ва даволаш самарадорлигини назорат қилишга ёрдам беради. “Лаборатория иши” ўқув қўлланмасида ҳужайралар ривожланиши, уларнинг фаолияти, морфологик тузилиши ва хусусиятлари тўғрисида замонавий маълумотлар келтирилган. Биринчи бобда қон клиник таҳлили, эритроцитлар, гемоглобин, лейкоцитлар, анемиялар ва лейкозлар тўғрисида маълумотлар келтирилган. Иккинчи бобда буйрак касалликлари лаборатор диагностикаси, пешоб таҳлили, буйрак фаолиятини текшириш усуллари тўғрисида маълумот берилган. Учинчи бобда жигар касалликлари лаборатор диагностикаси, биохимик қон анализи, 4-бобда юрак ва бириктирувчи тўқима касалликлари лаборатор диагностикаси, 5-бобда эса қон ивиш тизими, гемостаз тўғрисида маълумот келтирилган. Шу билан бирга ҳар бир бобда аналитик қисм бўлиб, унда машғулотда фойдаланадиган педагогик технология, вазиятли масалалар, тестлар, график органайзер, амалий қисм ва назорат саволлари берилган. “Лаборатория иши” ўқув қўлланмаси тиббиёт олий ўқув юртлари “Лаборатория иши” йўналиши магистратура ва клиник ординатура талабалари ва “Клиник лаборатор диагностика” ихтисослаштириш курслари курсантлари, умумий клиник лаборатория ходимлари учун мўлжалланган.