Цитологик ташхисга кириш: электрон ўқув қўлланма

Abstract

Цитологик ташхис клиник лаборатор диагностиканинг узвий ажралмас қисми бўлиб, клиник ташхис қўйиш ва даволаш самарадорлигини назорат қилишга ёрдам беради. “Цитологик ташхисга кириш” ўқув қўлланмасида ҳужайралар ривожланиши, уларнинг фаолияти, морфологик тузилиши ва хусусиятлари тўғрисида замонавий маълумотлар келтирилган. Биринчи бобда цитологик текширишларнинг профилактик ва диагностик тиббиётдаги аҳамияти, цитологик материал билан ишлашда техника хавфсизлиги, цитологик текшириш турлари, цитологик текшириш учун материал олиш қоидалари, цитологик материални тайёрлаш тўғрисида маълумотлар келтирилган. Иккинчи бобда ҳужайра структур компонентлари, эпителиал тўқима цитоморфологияси, бачадон бўйни касалликлари цитологик таснифи, реактив ўзгаришлари, ўсма олди касалликлари, яхши ва ёмон сифатли ўсмалар тўғрисида маълумот берилган. Учинчи бобда гематологияда цитологик текшириш усуллари, анемиялар, тромбоцитар қатор патологияси, ўткир ва сурункали лейкозлар цитологик диагностикаси, лейкоцитоз, лейкемоид реакция ва лейкозлар цитологик дифференциал диагностикаси келтирилган. “Цитологик ташхисга кириш” ўқув қўлланмаси умумий клиник ва цитологик лаборатория ходимлари, тиббиёт олий ўқув юртлари тиббий-биология факультети талабалари, “Клиник лаборатор диагностика” йўналиши магистратура талабалари ва клиник ординаторлари учун мўлжалланган.