Revmatoidli artritda adalimumab preparati bilan olib borilgan kompleks terapiyaning bo‘g‘im destruksiyasiga ta’sirini o‘rganish

Abstract

Revmatoidli artrit (RA) – revmatologik kasalliklar orasida ancha yaxshi o’rganilgan bo‘lishiga qaramay, uning aholi orasida keng tarqalganligi, hayot sifatini buzishi va erta mehnatga layoqatsizlik holatiga olib kelishi kasallikni erta tashxislash va samarali davolash usullarini izlab topishni talab qiladi. Izlanishlar natijasi shuni ko’rsatadiki, kasallikni erta aniqlab, zamonaviy davo choralarini erta olib borish kasallikni uzoq vaqtli remissiyaga olib kelishi mumkin. Hozirgi kun zamonaviy tibbiyotida RA ni davolashda shu kungacha ma’lum bo‘lgan bazis yallig‘lanishga qarshi preparatlar bilan bir qatorda, yangi gen injeneriyasi usullari bilan ishlab chiqilgan dori vositalarining ham ahamiyati sezilarli darajada oshib bormoqda. Bunday preparatlar ustida olib borilgan tadqiqotlar shuni ko‘rsatadiki, ularning kasallik faolligiga ta’siri yuqori va shuning bilan bir qatorda, inson organizmiga salbiy ta’siri kamroq. Shunday dori vositalaridan biri adalimumab bo‘lib, maqolada RAli bemorlarda adalimumab bilan olib borilgan kompleks davoning bo‘g‘im destruksiyasiga ta’siri o‘rganiladi.