Tizimli sklerodermiyada suyak massasi kamayishida vitamin d metabolizmining o‘rni

Abstract

Tadqiqot maqsadi. Tizimli sklerodermiya (TSD) da vitamin D yetishmovchiligi va natijada suyaklarda kal'siy almashinuvi buzilishi oqibatida suyak mineral zichligini kamayishi va osteoporoz kasalligini kelib chiqish havfini baholash. Materiallar va tadqiqot usullari. Tadqiqotda Toshkent tibbiyot akademiyasi koʿp tarmoqli klinikasining kardiorevmatologiya va revmatologiya bo'limlarida statsionar davolanishda bo'lgan va artrologiya klinikasida ro'yxatdan o'tgan 24 yoshdan 68 yoshgacha bo'lgan 42 ta TSD tashxisi bilan (ACR/EULAR tasnifi bo'yicha) bemor ishtirok etdi. Tadqiqotda ishtirok etgan bemorlarning barchasining qonidagi 25(OH) Vitamin D3 darajasiga va densitometriya yordamida suyak zichligiga baho berildi. Natijalar. TSD bemorlar qon zardobidagi 25(OH) Vitamin D miqdori normadan past bo'lishi aniqlandi va bu holat vitamin D metabolizmiga ta'sir etuvchi organlarning zararlanishi bilan bog'liq ekanligi aniqlandi. Ultratovush densitometr tahlili xulosasiga ko'ra suyak mineral zichligi past ekanligi va bu holat bilan 25(OH) Vitamin D qondagi miqdori shuningdek, TSD kasallligi davomiyligi o'rtasidagi korrelyatsion bo'liqlik aniqlandi.