Сурункали хеликобактер билан ассоцияланган гастритларда атрофик трансформация хавфини башоратлаш

Abstract

Сурункали гастритлар бугунги кунда, айниқса, меҳнатга лаёқатли одамлар орасида кенг тарқалиш муаммосига катта эътибор қаратилмоқда. Улар орасида энг кўп учрайдиган шакли бу сурункали H. pylori ассоцияланган гастритдир. H. pylori туфайли келиб чиққан гастритлар барча гастрит турларининг тахминан 80% ни ташкил қилади. Эпидемиологик маълумотларга кўра, дунё аҳолисининг 50% дан ортиғи ушбу микроорганизм билан касалланган. Илмий тадқиқотларига кўра, «…минтақанинг бошқа давлатлари қатори Ўзбекистон ҳам нокардиал ошқозон саратони билан касалланиш ва аҳолини H. pylori билан юқтириш даражаси юқори бўлган мамлакатларга киради…».1 Ушбу инфекциянинг узоқ давом этиши Корреа каскадини: сурункали ноатрофик гастрит, сурункали атрофик гастрит, ичак метаплазияси, дисплазия ва нокардиал ошқозон саратони ривожланишига олиб келиши долзарб муаммо бўлиб келмоқда.