Болаларда ОИВ-инфекцияси кечишини башорат қилиш

Abstract

ОИВ инфекцияси дунё миқёсидаги жамият соғлиқни сақлаш муаммоларининг асосийларидан бири бўлиб қолмоқда: бугунги кунга келиб ушбу вирусдан деярли 33 миллион инсон вафот этган. Бироқ, ОИВ-инфекцияси билан курашда олиб борилаётган самарали ташхислаш, даволаш ва профилактика усуллари ҳамда беморларни тўғри парваришлаш усулларининг мавжудлиги натижасида ОИВ инфекцияси сурункали юқумли касалликлар қаторига киритилган, шунга қарамасдан ОИВ-инфекцияли беморларнинг ҳаёт давомийлиги ҳақиқатдан узайган. ОИВ-инфекцияси билан касалланган беморлар узоқ ва соғлом ҳаёт кечириши мумкин эканлиги ўз исботини топди. ЖССТнинг 2019 йил якунидаги маълумотларига кўра, «…ҳозирги кунда дунё бўйича 38 миллионга яқин одамлар ушбу вирус билан зарарланган» . Беморларнинг ҳолатини доимий кузатиш иммунитетнинг пасайиш даврини ва ОИВ-инфекциясининг III босқичга ўтишини аниқлаш имконини беради, бу «…РВҚДни бошлаш ва иккиламчи касалликларнинг профилактикаси учун…» хизмат қилади.