ГЕМАТОЛОГИЧЕСКИЕ ОСЛОЖНЕНИЯ ЦИТОСТАТИКОВ ПРИ ОСТРЫХ ЛЕЙКОЗАХ

Abstract

Mavzuning dolzarbligi. Leykozlar gemopoetik hujayralardan rivojlanuvchi oʻsmalar hisoblanadi. Biz oʻsmani bitta mutatsiyaga uchragan hujayradan yuzaga keluvchi yomon boshqariladigan ortiqcha toʻqima deb ataymiz. Oʻtkir leykozning klinik koʻrinishlarining spetsifik emasligini hisobga olgan holda, kasallikning tashxisi laboratoriya va instrumental tekshiruvlar yordamida bosqichma-bosqich amalga oshiriladi. Birinchi bosqich – qon va suyak koʻmigi surtmalarini sitologik tekshirish.Agar suyak koʻmigi surtmalarida blast hujayralar 20% dan ortiq topilsa, oʻtkir leykoz haqida oʻylash mumkin. Ikkinchi bosqichda oʻtkir leykoz (OʻL) ikki guruhga boʻlinadi: oʻtkir miyeloblastli leykoz (OʻML) va oʻtkir limfoblastli leykoz (OʻLL). Shu maqsadda suyak koʻmigi namunalari sitokimyoviy va immunologic tekshiruvlardan oʻtkaziladi. Uchinchi bosqich – oʻtkir leykozning ma’lum bir oqibati va davo xususiyatlariga koʻra uning shakllari farqlanadi (Abdulqodirov, 2004). Soʻnggi yillarda erishilgan kimyoterapiya (KT) sohasidagi yutuqlar OʻL bilan ogʻrigan bemorlarda toʻliq remissiyaga (TR) erishish imkonini beradi. Shunday qilib, toʻliq remissiya OʻML bilan ogʻrigan bemorlarda 65- 85% ni va OʻLL bilan ogʻrigan bemorlarda 70- 93% ni tashkil qiladi, ammo TR ga erishgan bemorlarning 60-80 foizida kasallik qaytalanishi mumkin. Bu leykoz klonining oʻtkazilgan kimyoterapiya va sitostatik taʻsirga blast hujayralarining ikkilamchi chidamliligi rivojlanganidan dalolat beradi [1,2].