Abstract:
Ушбу мақолада умуртқалар оралиғи тоғайли диск таркибида ривожланадиган дегенератив ўзгаришларнинг дастлабки босқичларига хос морфологик ўзгаришлар келтирилган. Умуртқа поғонасига оғир юкламаларнинг тушиши натижасида дастлаб қон айланиши бузилади, тўқималарда моддалар метаболизми издан чиқади ва дастлаб умуртқа поғона атрофидаги тўқималарда патологик ўзгаришлар кузатилади. Умуртқа поғонаси орқа юзасида чуқур жойлашган, ёнбош-қавурға ва қилтиқли ўсимталарни бир-бири билан боғловчи мушакларда дастлаб деформацияланиш, кантрактурали қисқаришлар ва мушак толаларининг титилиши ривожланади. Умуртқа суяги ва тоғайли пластинкада қон айланиши бузилади, натижада атроф тўқима тузилмаларда шиш, мукоид бўкиш ва миксаматоз каби дезорганизацияли ўзгаришлар юз беради. Тоғайли диск фиброз халқаси оралиқ моддасида нордон гликозамингликанлар тўпланишидан гидротация, мукоид бўкиш ва коллаген толаларнинг деформация ҳамда деструкцияси кузатилади
