НЕОНАТОЛОГИЯ ФАНИНИ ЎҚИТИШДА СИМУЛЯЦИОН ТАЪЛИМНИНГ АХАМИЯТИ

Abstract

Олий таълим даражасини сифат жиҳатидан ошириш ва тубдан такомиллаштириш, олий таълим муассасаларининг моддий-техника базасини мустаҳкамлаш ва модернизация қилиш, замонавий ўқув-илмий лабораториялари, ахборот-коммуникация технологиялари билан жиҳозлаш бўйича Олий таълим тизимини 2017 - 2021 йилларда комплекс ривожлантириш дастури қарор билан тасдиқланди. 2017 йил 27 июль ПҚ-3151-сонли Ўзбекистон Республикаси Президентининг "Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида" ги қарори қабул қилинди.2017 йил 20 июндаги «Ўзбекистон Республикаси ахолисига 2017-2021 йилларда ихтисослаштирилган тиббий ёрдам кўрсатишни янада ривожлантириш чора тадбирлари тўғрисида» ги ПҚ 3171-сонли қарорида «Тошкент тиббиёт академияси негизида ўқув-симуляцион лабараториялари ташкил этиш» банди ижросини таъминлаш мақсадида ўқув-симуляцион лаборатория очилди [1,2,3,4,5,6]. Ўқув жараёнига муляжлардан фойдаланишникиритишда унинг бошқарувчиси бўлган педагог кўзлаган мақсадга эришишнинг бош кафолатчиси бўлади. Муляжлардан фойдаланишни таълим тизимига жорий этишда унинг бошкарувчиси бўлмиш педагогнинг тайёргарлик даражасини биринчи ўринга қўйиш лозим. “Неонатология” фанини ўқитишда муляжлардан фойдаланиш орқали ўқув жараёнларида таълим-тарбия мазмуни, метод ва воситаларини ишлаб чиқиш ва такомиллаштириш ўзида мужассамлаштирадиган ўқув жараёндир. Ўз мутахассислиги бўйича ўзлаштирган билимидан қатъий назар, педагог таълим жараёнига қадам қўяр экан, педагогик - психологик билимлар, педагогик технологиялар, педагогик маҳорат, педагогик маданият ва ўқитиш-ўргатиш услублари йиғиндиси бўлган зарур педагогик кўникмаларни эгаллаган бўлиши керак.