Tizimli sklerodermiyada interleykin-4 klinik ahamiyati

Abstract

Tizimli sklerodermiyaning (TSD) kechishi va klinik shakllariga ko‘ra qon zardobidagi interleykin-4 (IL-4) darajasini ichki a’zolar patologiyasi bilan bog'liqlikni o‘rganish. Materiallar va usullar. IL-4 ko‘rsatkichi TSD bilan kasallangan 60 nafar bemorning qon zardobida bilvosita qattiq fazali immunoferment tahlili bilan aniqlangan. Natijalar. IL-4 darajasi 10-1000pg/ml oralig'ida TSD bilan kasallangan 60 ta bemorning 18 tasida (30%) aniqlangan. Bemorlar ushbu guruhining o‘ziga xos xususiyatlari kasallikning qisqa davom etishi, tekshiruv vaqtida teri fibrozi va visseral patologiyaning rivojlanishi va o‘pka fibrozi bilan kasallanishning yuqoriligi aniqlandi. Boshqa ichki a’zolarning zararlanishida sezilarli farqlar, shuningdek, IL-4 tarkibining kasallikning klinik shakllari va kechishiga bog'liqligi aniqlanmagan. Qonda IL-4 oshgan bemorlarda aylanib yuruvchi immun komplekslar (AYuIK), γ-globulinlarning yuqori darajalari qayd etilgan, o‘tkir fazali sinamalar esa nazorat guruhga qaraganda past edi. Xulosa. IL-4 ning qon zardobidagi darajasi va TSDdagi fibroz jarayonning faolligi o‘rtasidagi o‘rnatilgan bog'liqlik kelasidagi tadqiqotlarda tasdiqlashni talab qiladi.