Nospetsifik aortoarteritda vazorenal gipertenziya sindromi

Abstract

Nospestifik aortaarterit (Takayasu kasalligi) – aorta va uning asosiy shoxlarini okkluziyasi rivojlanishi bilan kechuvchi granulematoz yallig’lanish va bir yoki ikkala qo’lda pulsning bo’lmasligidir. Asosan 40-50 yoshdagi ayollar kasallanadi. Kasallik birinchi bor 1908 yilda Takayasu tomonidan aniqlangan. Kasallik 1000000 aholiga 1,2-3,6 ta xolatni tashkil etadi. Vazorenal gipertenziya (VRG) – buyrak arteriyalarida magistral qon oqimini buzilishi oqibatida va buyrak parenximasi, siydik chiqaruv yo’llarining birlamchi zararlanishi bilan bog’liq bo’lmagan simptomatik arterial gipertenziya turlaridan biridir. Barcha arterial gipertenziya turlari orasida vazorenal gipertenziya 2-5% ni tashkil etadi. VRG negizini buyrak arteriyalarining yoki uning segmentar tarmoqlarining bir yoki ikki tomonlama torayishi yoki okklyuziyasi tashkil qiladi. Natijada arteriyaning patologik toraygan qismi orqali buyrakka qon kelishi anchagina kamayadi, bu o’z navbatida buyrak to’qimasining ishemiyasiga sabab bo’ladi. Ishemiyaning darajasi arteriya stenozining darajasiga bevosita bog’liq bo’ladi.