Abstract:
Tadqiqot maqsadi. TQB da yurak-qon tomir tizimining zararlanishini o’rganish.
Material va usullar. 15 yoshdan 45 yoshgacha bo’lgan TQB bilan og’rigan 42 nafar bemor
tekshirildi. Kasallikning davomiyligi 11 oydan 15 yilgacha, ulardan 39 nafari ayollar va 3 nafari
erkaklar. Bemorlar kasallik kechishi bo’yicha quyidagicha taqsimlandi: o’tkir kechishi varianti 3
(7%) bemorda, o’tkir osti kechish varianti - 31 (73%), 8 (19%) bemorlarda surunkali kechish
varianti aniqlandi. TQB bilan og’rigan barcha bemorlar umumiy klinik tekshiruvdan o’tkazildi,
shuningdek, EKG, ExoCS tekshiruvlar qilindi.
Natijalar va muhokama. TQB bilan og’rigan bemorlarning 66% da yurak shikastlanishi borligi
aniqlandi. Shu jumladan 17(40%) bemorda sinusli taxiqardiya, 6(14%) bemorda yurak sohasida
og’riq, 11(26%) bemorda hansirash, 2(4%) bemorda “yurak urib ketishi” xissi aniqlandi. Perkussiya
vaqtida 2(4%) bemorda yurak chegaralarning chapga siljishi aniqlandi. Auskultatsiyada yurak
tonlari bog’iqlashishi 19(45%) bemorda, choqqida sistolik shovqin 3(7%) bemorda aniqlandi.
EKGda chap qorincha gipertrofiyasi 2(4%) bemorda, intraventrikulyar o’tkazuvchanlikning
pasayishi 12 (28%) bemorda, qon aylanishining buzilishi - 7 (17%), miyokarddagi metabolik
jarayonlarning buzilishi - 13(31%) bemorda aniqlandi. 26(62%) bemorda har xil aritmiya turlari,
ko’proq sinus taxikardiyasi 6 (14%) bemorlarda va 2 (4%) bemorlarda qorincha ekstrasistoliysi
kuzatilgan. ExoCS da 14(34%) bemorda qorinchalararo tosiq diskineziyasi, 7(17%) bemorda
chap qorinchaning diastolik disfunksiyasi, 5(12%) bemorda qon otish xajmi pasayganligi va
3(7%) ta bemotlarda miokardioskleroz aniqlandi.
Xulosa. Shunday qilib, TQB da yurak-qon tomir tizimining shikastlanishi ko’p ushraydi,
ammo klinik simptomlari juda kam ifodalangan. Qo’shimcha instrumental tekshiruvladan
foydalanish, shu jumladan sutkalik EKG monitoringi, ExoCS tekshiruvini o’tkazish TQB bilan
og’rigan bemorlarda salbiy oqibatli miyokard shikastlanishini va yashirin yurak etishmovchiligini
aniqlashga yordam beradi.
