Abstract:
COVID-19 infeksiyasi bilan kasallanish eng ko’p 19-39 yoshgacha (54%) bo’lgan erkaklarda (63%) kuzatildi. Asosiy guruh rekonvalessentlarida miks infeksiya (74,2%) nazorat guruhiga nisbatan 6,5 barobar ko’p kuzatildi. Nazorat guruhda esa mono infeksiya (88,6%) asosiy guruhga nisbatan 3 barobar ko’p kuzatildi. Asosiy guruhdagi rekonvalessentlarda eng ko’p Kl.pneumoniae (28%),, St.aureus (26%) va Escherichia coli lak(-) uchragan (22%), miks infeksiya sifatida Kl.pneumoniae + Pr.vulgaris 19% va St.aureus + E.coli lak(-) 18% bo’lishi aniqlandi. Lacto G qabul qilgan rekonvalessentlarda ichak indigen mikroflorasidagi E.coli me’yoriy fermentativ faollikdagi (KHQB 107) bakteriyasi, Bifidum-bakteriyalar (KHQB 108) va Laktobakteriyalar (KHQB 1011) o’rtacha 1,4 barobar tezroq yuqori samara berishi isbotlandi. Lacto G qabul qilgan rekonvalessentlarda ichak mikroflorasidagi shartli patogen bakteriyalardan Proteus vulgaris (KHQB 103), Klebsiella (KHQB 104), Enterococcus spp. (KHQB103) o’rtacha 1,3 barobar tezroq me’yorlashishi aniqlandi.
