Abstract:
Мақсад: онада экспериментал диабет хасталиги шароитида туғилган авлоднинг ингичка ичагининг постнатал онтогенезини ўрганиш. Материал ва усуллар: тадқиқотда оддий виварий шароитидаги 60 та оқ лаборатор каламушларидан туғилган авлод ишлатилди. Экспериментал ҳайвонларда аллоксан диабетнинг
экспериментал модели эфир наркози остида қорин бўшлиғига 11 мг/100 г нисбатда аллоксан цитрат буфери эритмасини юбориш орқали яратилди. Натижа-
лар: қандли диабет билан касалланган урғочи каламушлардан туғилган каламуш болалари постнатал ўсиш ва ривожланиш даврларида ўзига хос гистопатологик
ўзгаришлар рўй берди, бу жараёнлар барчаси илк постнатал даврларда ингичка ичак тўқима ва қон томирларидаги яллиғланиш-реактив жараёнларнинг оқибати
сифатида юзага келди. Ичак девори барча қаватлари ҳужайралари атрофида кўплаб сийрак шаклланмаган толали тузилмалар шаклланиши, мононуклеар ҳужайралар билан инфильтрацияланиш жараёнлари кузатилди. Ушбу гистопатологик жараёнларга қарши илк постнатал даврларидан бошлаб патогенетик даволаш
чора-тадбирларини олиб борилса, кечки даврлардаги негатив оқибатларнинг олди олинади. Хулоса: онадаги экспериментал қандли диабет хасталиги авлод ингичка ичаги тўқима-қон томирларида яллиғланиш-реактив, дистрофик жараёнларни келтириб чиқаради.
