Abstract:
Тозалаш иншоотлари – бу чиқинди сув таркибидаги зарарли моддаларни ушлаб қолиш, зарарсизлантириш учун мўлжалланган махсус қурилмалар мажмуасидир. Тозаланган чиқинди сувлар ёки очиқ сув ҳавзасига ташланади ёки техник мақсадларда қайта фойдаланилади. Ҳар бир аҳоли турар жой минтақаси чиқинди сувларни самарали тозалаш иншоотларини ташкил этишга мухтож бўлади. Тозалаш иншоотидан кейинги сувларнинг сифати ва уларни экотизимга кўрсатадиган таъсири, мазкур тозалаш қурилмаларининг иш самарадорлигига боғлиқ бўлади. Агарда хосил бўлаётган чиқинди сувлар тозаланмаса ёки етарли даражада тозаланмаса, улар нафақат маҳаллий ўсимлик ва ҳайвонот оламига таъсир этади, балки тупроқ, сув манбалари ва атмосфера ҳавосини патоген микроорганимлар билан зарарланишига, бунинг оқибатида эса катта халокатларга сабаб бўлиши мумкин.
