Abstract:
Сўнгги йилларда қатор ҳолларда гастродуоденал соҳа касалликларига сабаб бўлувчи H.Pylori экстрагастродуоденал хасталикларга ҳам олиб келиши тўғрисида маълумотлар мавжуд. Уларда H.Pylori таъсирида гематологик, метаболик, кардиоваскуляр, нейродегенератив ва аллергик касалликлар юзага келиши келтирилган. Айрим тадқиқотларда H.Pylori инфекцияси билан камқонлик орасида узвий боғлиқлик мавжудлиги тасдиқласа хам, аммо уни экстрагастродуоденал касалликлар, хусусан камқонлик билан бирга келиши тўғрисидаги маълумотлар нисбатан камроқ. H.Pylori билан инфицирланиш ва темир ҳамда витамин В12 танқислиги камқонликлари билан зарарланиш Республикамизнинг барча ҳудудларида аҳоли орасида кенг тарқалган бўлса ҳам уларни ўзаро таъсири ва даволашга монанд ёндашишлар борасида илмий кузатувлар олиб борилмаган. Вахолангки,H.Pylori билан ассоцияланган темир ва витамин В12 камқонликларини ахоли яшаётган худуд, унинг санитария ва гигиеник холати, географик жойлашиши каби вазиятларни инобатга олинган холда ўрганиш ва даволашга янгича ёндашиш тамойилларини яратиш муҳим илмий амалий аҳамиятга эга.
