Abstract:
Gerontologiya va geriatriya fani tarixi qisqacha o‘rganilganda qarilik muammolari insonlarni qadim zamonlardan beri qiziqtirib kelganligi ma’lum bo‘ladi.
Gerontologiya – murakkab tabiiy fanlardan biri bo‘lib, qarish jarayoni, uning biologik, tibbiy (geriatrik), sotsial, psixologik, gigienik va iqtisodiy jixatlarini o‘rganadi. Geriatriya fani esa gerontologiyaning asosiy qisimlaridan biri bo‘lib, keksa va yoshi ulug‘ kishilarning sog‘lig‘ini saqlash,ularda ko‘p uchraydigan kasalliklarnng xususiyatlarini o‘rganadigan fan xisoblanadi. Geriatriya salomatlik fani bo‘lib, o‘quv dasturlarida asosiy o‘rinlardan birini egallashi lozim. Chunki, qarilik deb atalmish ko‘pgina o‘zgarishlar erta - yetuklik, hatto o‘smirlik davrlarida ham boshlanishi mumkin. Gerontologiya va geriatriya asosini qarish biologiyasi tashkil qiladi. Ammo qarilik muammolari kompleks bo‘lib, biotibbiy, psixologik, antropologik, ijtimoiy-iqtisodiy muammolardan iboratdir.
Zamonaviy gerontologiya va geriatriyaning maqsadi fiziologik va patologik qarish jarayonlarining nafaqat spetsifik belgilarini aniqlash, balki ularning rivojlanish bosqichlarini, kechish dinamikasini, ularning kechishidagi umumiylik va xilma-xillikni aniqlashdan iborat.
