Ўпканинг сурункали обструктив касаллиги ўпка гипертензияси билан кечганда ташқи нафас фаолияти билан юрак гемодинамикаси кўрсаткичлари орасидаги корреляцион боғлиқлик ва даволаш самарадорлигини солиштирма ўрганиш

Abstract

Ушбу мақолада ўпканинг сурункали обструктив касаллигида ўпка гипертензиясининг кечиши, хусусан ташқи нафас фаолияти билан юрак гемодинамикаси кўрсаткичлари орасидаги корреляцион боғлиқлик ва уларга бозентан ҳамда силденафил препаратлари таъсирини солиштирма таҳлили келтирилган. Кузатув натижаларида ўпканинг сурункали обструктив касаллиги ўпка гипертензияси билан кечганда ташқи нафас фаолиятининг асосий кўрсаткичларидан бири Тиффно индекси билан ўпка артериясидаги систолик босим ўртасида касалликнинг II–III–IV оғирлик даражаларида мос равишда r = –0,3, P < 0,05; r = –0,39, P < 0,01; r = –0,44, P < 0,004 манфий корреляцион боғлиқлик мавжудлиги ташқи нафас фаолиятининг сусайиши ўпка гипертензия ривожланишида муҳим аҳамиятга эга эканлигини тасдиқлайди.