Abstract:
Tizimli qizil yuguruk (TQYU) — noma’lum etiologiyali
surunkali tizimli autoimmun kasalligi bo’lib, turli a’zolar
va to’qimalarda immun yallig’lanish jarayoni rivojlanishi
bilan ko’p a’zolar yetishmovchiligining rivojlanishiga
olib keladi. Kasallik rivojlanish va remissiya davrlari
bilan davom etadi va faqatgina to’g’ri individual davo
kasallikni to’xtashiga va simptomlarning kamayishiga
ta’sir qiladi. TQYU asosan yosh ayollar va o’smir qizlarda
kuzatiladi, erkaklar va ayollar nisbati taxminan 1:10-15
to’g’ri keladi. TQYU dagi homiladorlik jarayoni bemor
uchun ham, shifokor uchun ham ma’lum qiyinchiliklarga
olib keladi. So’nggi o’n yilliklarda TQYU bilan og’rigan
bemorlarda homiladorlikning ijobiy natijalari va sog’lom
bolalar tug’ilishi kuzatilmoqda. Shu munosabat bilan
homiladorlik davrida va tug’ruqdan keyin bemor uchun
mumkin bo’lgan xavflarni bilish juda muhimdir.
