Abstract:
Bosh miya surunkali ishemeyasi (BMSI) serebrovaskulyar kasalliklarning deyarli 2/3 qismini tashkil qilib aksariyat aholida kognitiv buzilishlarga olib keladi. Biz maqolamizda uyqu buzilishining kognitiv faoliyatga ta’sirini o‘rgandik. Tekshiruvda BMSI bilan 63 ta bemor tekshirildi. Bemorlar o‘rtacha yoshi 58,5±1,4. Kasallar BMSI kasallik bosqichi hamda uyqu buzilishi borligiga ko‘ra 6 ta guruhga bo‘lib o‘rganildi. Uyqu maxsus so‘rovnomalar bilan, kognitiv buzilishlar esa ham so‘rovnomalar ham chaqirilgan kognitiv potensial bilan baholandi. BMSI kasallik bosqichi ortishi bilan kognitiv ko‘rsatkichlar so‘rovnomalar bo‘yicha ham kognitiv chaqirilgan potensiallar bo‘yicha ham ortib borishi, uyqu buzilishi mavjud bemorlarda BMSI kasallik bosqichi ortishi bilan Epworth shkalasi bo‘yicha ko‘rsatkichlar yomonlashish tendensiyasiga egaligi aniqlandi. BMSI bemorlarda uyqu buzilishi kognitiv ko‘rsatkichlar yomonlashishiga olib kelishi ma’lum bo‘ldi.
