Abstract:
Самарқанд вилоятида 2019-2020-йилларда аксарият ҳолатларда гиёҳвандликка тобе
шахслар томонидан каннабис гуруҳидаги (46,1%) воситалардан фойдаланилган. Героин истеъмол қилувчи гиёҳвандликка тобе шахслар ҳиссаси 21,5% дан иборат. 13,0% пациентлар томонидан бир неча турдаги гиёҳвандлик воситалари қўлланилган. Гиёҳвандлик ҳолатлари вилоятнинг барча маъмурий ҳудудларида қайд этилмоқда, лекин гиёҳвандлик билан зарарланганлик маъмурий ҳудудлар бўйича
нотекис тақсимланган. Гиёҳвандликка тобелик қишлоқ туманларига нисбатан Самарқанд шаҳрида, шаҳарга ёндош туманларда ва қўшни давлат билан чегарадош Ургут туманида юқори бўлиб, мазкур ҳудудлар гиёҳвандлик билан зарарланганлик нуқтаи-назаридан “хавфли ҳудуд” га, ушбу ҳудудларнинг аҳолиси эса “хавф гуруҳи” га мансуб.
