Abstract:
Мақсад: Ўзбекистонда 1992-2019 йилларда ўтказилган мурдалар суд-тиббий экспертизалари материаллари бўйича суициддан ўлим кўрсаткичларини динамик таҳлил этиш. Материал ва усуллар: тадқиқот жараёнида суициддан ўлим абсолют ва нисбий кўрсаткичларда таҳлил этилди. Суициддан ўлим кўрсаткичларининг таҳлили суд-тиббий экспертиза хизмати муассасаларининг расмий статистик ҳисобот маълумотларини ретроспектив таҳлили натижаларига асосланди. Натижалар: суициднинг ички моҳияти аввало ушбу ҳодисаларнинг текширув йиллари бўйича доимийлиги ва даврийлигида намоён бўлди. Бу ўз жонига қасд қилиш масаласига янгича муносабатда бўлишни талаб қилади. Тугалланган суицид кўп омилли ҳодиса
сифатида ва унинг юзага келишида биринчи навбатда иқтисодий, ижтимоий ва тиббий омилларни ҳал этувчи аҳамиятга эга эканлигини эътироф этади.
