Abstract:
Диссертация мавзусининг долзарблиги ва зарурияти. Дунёда охирги йилларда асосини инсулинга резистентлик ташкил қилган метаболик синдромга (МС) катта эътибор қаратилмоқда. Бу синдром ўз ичига бир неча хавф омилларни олади (ХО): артериал гипертензия (АГ), глюкозага толерантликнинг бузилиши (ГТБ), дислипопротеидемия (ДЛП), семизлик ва ортиқча тана вазни. МСнинг асосий триггерлари қаторига қандли диабетнинг (ҚД) 2 тури, ГТБ ва семизлик киради. Халқаро Диабет Федерацияси (IDF) маълумотларига кўра, «...жаҳонда қандли диабетнинг тарқалиши 20-79 ёшдаги аҳолининг 9,3% ни ташкил этади ва 2030 йилга келиб, ёши катталар ўртасида диабет билан касалланганлар сони 578 миллионга, 2045 йилга келиб эса 700 миллионга етади... »1. ЖССТ маълумотларига кўра «...дунёда семизликка чалинганлар сони 2,1 миллиард бўлиб, бу умумий ахоли сонини 30% ни ташкил этади. Бу сонлар кўрсаткичи тобора ўсиб бормоқда
