Abstract:
Диссертация мавзусининг долзарблиги ва зарурияти. Сўнгги ўн йилликда инвазив микозлар, яъни микроскопик замбуруғлар туфайли юзага келувчи касалликлар, муҳим клиник муаммога айланди. ЖССТ маълумотларига кўра, «...2018 йил якунларига келиб, бутун дунёда 37,9 миллион одамлар ОИВ-инфекцияси билан касалланган бўлиб, уларнинг сони ортиб бормоқда…»1. ОИВ-инфекциясининг пандемияси, гемобластозларни учрашининг ортиши микозлар ривожланишининг юқори хавфи бўлган иммункомпроментив беморлар сонини ортишига олиб келмоқда. Чуқур микозларни етарлича ўрганилмаганлиги, ташхислашнинг мураккаблиги, ўтказиладиган давонинг самарасизлиги натижасида, ушбу касалликдан ўлим ҳолати 70-100% ни ташкил этмоқда. Ташхислашнинг мураккаблиги шундаки, беморларда бирламчи ёки иккиламчи оғир иммунтанқислик
босқичида ривожланган микозларни учрашини ташхислаш ва самарали даволаш тизимини йўлга қўйиш соҳа олимлари олдида турган долзарб муаммолардан биридир
