Abstract:
Диссертация мавзусининг долзарблиги ва зарурияти. Сурункали обструктив ўпка касаллиги (СОЎК) жамиятнинг асосий касалланиш ва ўлим сабабларидан бири ҳисобланади ва соғлиқни сақлаш тизими учун нафақат тиббий, балки ижтимоий иқтисодий муаммо ҳам ҳисобланади. Жаҳон Соғлиқни Сақлаш Ташкилотининг (ЖССТ)нинг маълумотларида «...ҳозирги вақтда ер куррасида 210 миллион инсон СОЎК дан азият чекмоқда, дунё миқёсида у асосий ўлим сабаблари орасида 4-ўринни, аммо 2030 йилга келиб 3-ўринни эгаллаши...»1 қайд этилган. Хавф омиллари ва фенотипик сабабларнинг умумийлиги СОЎКнинг юқори даражада гиперкоагуляция ёки тромбоз натижаси бўлган ЮИК, ишемик инсульт ҳамда веноз тромбоэмболия билан ёндош хасталик кўринишида келишини белгилайди. Бу ўз навбатида гемостазиологик бузилишлар билан боғлиқ ҳолатлар СОЎК билан оғриган беморлар ўлимининг асосий сабаби эканлигини тасдиқлайди. СОЎК билан оғриган беморлар орасида протромботик ва тромботик ҳолатларнинг кенг тарқалганлиги уларнинг шифохонага ётиш сонини ва давомийлигини оширади, иқтисодий харажатлар ва ўлим даражасини кўпайтиради
