Abstract:
Мавжуд бўлган турли хил популяцион текширув маълумотларида СЮЕ
тарқалганлиги катта ёшли аҳоли орасида 1,5-2%, 65 ёшдан катта ёшлилар
орасида эса 6-17%гача учраши кўрсатиб ўтилади. Барча ривожланган
мамлакатларда СЮЕ тарқалиши йилдан йилга янада долзарб муаммо бўлиб
бормоқда. СЮЕни нохуш предикторларини аниқлаш орқали юрак - қон томир
ҳолатларини прогнозлаш беморларнинг госпитализация частотасини, фатал ва
нофатал миокард инфарктини ривожланишини, ўлим ҳолатини камайтиришда ва
касаллик прогнози ҳамда беморлар хаёт сифати яхшиланишида мухим ўрин
тутади [8]. СЮЕ беморлар ҳаёт сифатини кескин ёмонлаштиради ва ўлим
ҳавфини 4 мартагача оширади. Беморларда йил давомидаги ўлим даражаси 15-
50%ни ташкил қилиши мумкин. СЮЕли беморларда тўсатдан ўлим ҳавфи
сурункали юрак етишмовчилиги бўлмаганларга қараганда 5 марта юқори
бўлади. СЮЕнинг клиник симптомлари юзага келгандан сўнг 5 йил ичида
тахминан 50% беморларда комбинациялашган терапия олишига қарамасдан
ўлим ҳолати кузатилади.Текширувлардаги кардиоренал ўзаро боғлиқлик
натижалари кўрсатадики буйраклар функциясини пасайиши СЮЕда касалликни
кечишини ва бемор хаёт сифатини сезиларли равишда ёмонлаштиради.
