Abstract:
Qandli diabet (QD) juda keng tarqalgan kasallik bo‘lib, insulin ishlab chiqarilishining kamayishi yoki uning to‘qimalar tomonidan sezuvchanligi pasayishi ya’ni rezistentligi natijasida kelib chiqadi. Qandli diabet 2 tur hamma uchrovchi diabetlarning 90% ini
tashkil qiladi. Xalqaro Diabet Assotsiatsiyasining bergan ma’lumotlariga ko‘ra, 537 million katta yoshdagilar (20-79 yosh) qandli diabet bilan xastalangan. Bu raqamlar 2030 yilda 643 million va 2045 yilda 783 millionga yetishi taxmin qilinmoqda. 2021 yilda 6.7 million bemor qandli diabet tufayli vafot etdi. 541 million yoshi kattalar esa glyukozaga tolerantlikning buzilishidan aziyat chekadi.
