Abstract:
Тизимли склеродермия прогрессияланиб борувчи, оғир асоратлар ва ўлим даражаси юқори бўлган сурункали аутоиммун ревматик касаллик ҳисобланади. Тизимли склеродермия полиорган касаллик бўлиб, тери, ўпка, ҳазм тизими, юрак, таянч-ҳаракатланиш тизими, буйраклар каби органларнинг зарарланишига олиб келади, беморларда кучли оғриқ ва меҳнат қобилиятининг чекланиши, ногиронлик ва ўлимга сабаб бўлади. Аномал иммун жавобга олиб келадиган асосий маркер бу қонда айланиб юрадиган аутоантитаналар бўлиб, тизимли склеродермия билан касалланган 95% дан кўп беморларда аниқланади. Аутоантитаналар, айниқса, фибрилларин оқсилига қарши ишлаб чиқариладиган антифибриллар антитаналарнинг клиник, иммунологик, диагностик ва прогностик аҳамиятини ўрганиш муҳим аҳамият касб этади.
