Abstract:
Диссертация мавзусининг долзарблиги ва зарурати. Ҳозирги кунда жаҳон соғлиқни сақлаш тизимида қандли диабет билан касалланиш глобал тиббий ва ижтимоий муаммолардан бири бўлиб ҳисобланади. Ҳалқаро диабет федерацияси (IDF) маълумотларига кўра, «...2019 йилда дунёда 425 млн.дан ортиқ ΙΙ тип қандли диабет касаллигига чалинган беморлар борлиги таъкидланган. 2040 йилда эса уларнинг сони 642 млн гача ортиш эҳтимоллиги борлиги башорат қилинмоқда» . Қандли диабетнинг тиббий-ижтимоий аҳамияти касалликнинг оғир асоратлари, юқори даражадаги ногиронлик ва ўлим сони билан изоҳланади. Шу сабабли ушбу патологияни олдини олиш ва даволаш мақсадида махаллий ўсимликлар асосида олинган дори воситаларининг фармако-токсикологик хусусиятларини ўрганиш муҳим аҳамият касб этади. Жаҳонда Vaccinium myrtillus L., galega officinalis L. ўсимликлари экстрактларининг гипогликемик таъсир самарадорлиги бўйича бир қанча изланишлар олиб борилмоқда
