Abstract:
Мақолада ўзбек миллатига тегишли бўлган туғруқ ёшидаги аёлларда метаболик соғлом ва метаболик асоратланган семизликлар ривожланишида иштирок этувчи ген полиморфизмини ўрганиш натижалари келтирилган. Изланишлар натижасида, LEP генининг G2548A полиморфизми аллел ва генотипларини учраш даражаси баҳоланган. Олинган натижалар таҳлилига кўра,, семизликнинг ҳар иккала фенотипида ҳам LEP гени G2548A полиморфизмининг G аллели ва GG генотипини ташувчиларда ТВИ юқори бўлиши, уларни ТВИ ошиши ҳамда МАС ривожланишига агрессив таъсир қилиши, А аллели ва АА ҳамда GА генотиплари семизликнинг I ва II даражасида унинг III даражасига нисбатан кўпроқ учраганлиги, ушбу аллел ва генотипларни ТВИ ошишига нисбатан протектив самарага эгалигини билдиради. Ушбу полиморфизмдаги дефектларни эрта аниқлаш семизликка чалинган пациентларда метаболик асоратлар ривожланиши хавфи гуруҳларини аниқлаб, уларда персоналлаштирилган профилактик чора-тадбирлар ўтказиш имконини яратади
