Abstract:
Respublikamiz mustaqil deb e’lon qilingandan so‘ng sog‘liqni saqlash vazirligi
tashabbusi va Vazirlar Mahkamasining qo‘llab quvvatlashi bilan 1993 yildan
mamlakatimiz viloyatlarida birlamchi tibbiy-sanitariya yordami ko‘rsatuvchi qishloq
vrachlik punktlari (QVP) faoliyat ko‘rsata boshladi. Respublikamiz Prezidenti I. A.
Karimovning 1998 yil 10 noyabrdagi «O‘zbekiston Sog‘liqni Saqlash tizimini isloh
qilish Davlat dasturi» to‘g‘risidagi farmoni ushbu tizimni joriy etishni yanada
jadallashtirish va mukammallashtirish uchun muhim qadam bo‘ldi. Islohotlar natijasida
qishloq joylarida malakali bepul tibbiy xizmatni ikki pog‘onada ko‘rsatishga o‘tildi.
Uning birinchisi QVPlarda, ikkinchisi esa ko‘p tarmoqli tuman shifoxonalarida amalga
oshirilmoqda. SHaharlarda esa oilaviy poliklinikalar tashkil etilmoqda. Ko‘zlangan
tibbiy va iqtisodiy samaraga erishishimiz uchun yuqoridagi birlamchi tibbiy xizmat
ko‘rsatuvchi muassasalarda ko‘p qirrali meditsina yordami ko‘rsata oladigan yuqori
malakali vrachlar ishlashi lozim. Jahondagi etakchi mamlakatlarning tajribasi faqat
umumiy amaliyot vrachigina (UAV) ushbu talablarga to‘liq javob berishini
tasdiqlamoqda.
