Abstract:
Барча сут эмизувчиларда, жумладан, инсонларда ҳам йўлдош оралиқ аъзо бўлиб, у она организми орқали мавжуд ферментлар ёрдамида ҳомила организмида моддалар алмашинувини таъминлайди, яъни ҳомилага кислород ва барча озуқа моддалар она қони орқали бориб туради, «…йўлдош она организмида ҳомиладорлик пайти алоҳида провизор аъзо сифатида пайдо бўлиб, унинг такомил топиши ва касалланиши она организмидаги мавжуд хасталикларга боғлиқ ҳолда юзага чиқади...» . Йўлдош етишмовчилиги (ЙЕ) - йўлдошнинг морфофункционал ўзгаришларига асосланган синдром бўлиб, авж олганда ҳомиланинг ўсиши секинлашади ва гипоксия ривожланади. Шу сабабли аёлларда ҳомиладорлик ва ҳомиладорлик даврида кейинги йўлдош етишмовчилигининг турли шаклларини ташхислаш такомиллаштириш замонавий патоморфологиянинг муҳим муаммоли масалаларидан бири ҳисобланади.
