Abstract:
Дунёда сурункали буйрак етишмовчилиги (СБЕ) нафақат тиббий, балки ижтимоий ҳамда иқтисодий жиҳатлари билан аҳоли орасида долзарблигича қолмоқда. Клиник тиббиётда СБЕ ташхиси «...XXI асрга келиб АҚШ Миллий буйрак фонди – NKF/КDOQI таклифига биноан сурункали буйрак касаллиги (СБК) атамасига ўзгартирилди...»1. Бу бутун жахон миқёсида буйрак касалликлари ва уларнинг асорати бўлган СБКга нисбатан бошқача, алоҳида ёндашувнинг такомиллашаётганидан далолат беради. СБК дастлабки босқичларида коптокчалар микроциркуляциясининг бузилишларидаги ўзгаришлар, касалликнинг кечки босқичларида барча қон томирлари тизимларида ҳам юз бермоқда, мазкур жараёнларни янада чуқурлашишига, ёмонлашишига ва жадаллашига олиб келадиган энг асосий мезон бу шубҳасиз – коптокчалардаги микроциркуляциянинг бузилиши туфайли пайдо бўлган гиперкоагуляция ва микротромбозлар оқибатидаги нефроангиосклероздир. Ҳозирги кунда мутахассисларининг асосий мақсади СБЕнинг патогенетик бўғинларини турли хил йўллар билан коррекция қилиш, касалликни авж олишини секинлаштириш, бемор ҳаёт сифатини яхшилаш ва умрини ҳамда диализгача бўлган даврни узайтиришга эришиш долзарб муаммолардан бири бўлиб қолмоқда
