Abstract:
Диссертация мавзусининг долзарблиги ва зарурияти. Бугунги кунда, дунёда сурункали миелопролифератив касалликлар патогенезини ўрганишга бўлган қизиқиш ортиб бормоқда. Сурункали миелопролифератив неоплазиялар (СМПН) – қон ишлаб чиқариш тизими ўзак ҳужайраларининг генетик бузилиши билан кечади ва кўп сонли тадқиқотлар шуни кўрсатдики, хромосома аберрациялари СМПН патогенезида муҳим аҳамият касб этади. Бу борада стандарт цитогенетик текшируви (СЦТ) – ҳужайрадаги барча хромосомаларни ва улардаги бузилишларни аниқлай оладиган ягона амалий усул ҳисобланади. Онкогематологик касалликларда баъзи хромосома бузилишлари мустақил диагностик аҳамиятга эга, масалан, «...СЦТ ёрдамида аниқланадиган филадельфия (Ph) хромосомаси 9чи ва 22чи хромосомалар транслокацияси t(9;22)(q34;q11), натижасида пайдо бўлиб, сурункали миелолейкоз касаллиги учун цитогенетик маркер ҳисобланади»
